नयनमोहर गुलमोहर

लागता वसंत ऋतूची चाहूल

गुलमोहर ग्रीष्मात बहरतो

आद्य ऋग्वेदातही राज्यवृक्ष

अगदी मनाला वेड लावतो ||

सोन्याच्या दागिन्यांनी खरा

नखशिखांत असा नटलेला

अंगाखांद्यावरून सोनपिवळ्या

दागिन्यासारखा बहरलेला ||

उभा राहून तळपत्या ऊन्हात

नाजूक पालवी नयनमोहर

गुलमोहराची नजाकत फार

किती सुंदर हा अविष्कार ||

सडा केशरी रंग चोरुनी

शेंगाही तलवारीच्या आकार

गंधीत झाले रान खुळे सारे

सजली वेडी सृष्टी साकार ||

मोहरणे नव्याने पुन्हा-पुन्हा

उन्हं सगळे माथ्यावर घेऊन

जणू साज सौंदर्याचा घालून

भान कर्तव्याचे सावली देऊन ||