नवरंग हे नवरात्रीचे
नवरंग हे नवरात्रीचे
नवरात्रीच्या शुभ समयी
नवरंगाची खूप महत्ता |
या धरावर व्यापली आहे
आई दुर्गा भवानीची सत्ता ||१||
धारण करा वस्त्र पिवळा,
नवरात्रीच्या पहिल्या दिनी |
उष्णतेचा प्रतिक हा रंग,
प्रफुल्लित करतसे मनी ||२||
दुसऱ्या दिनी हिरवा रंग,
प्रकृतिचा राहते प्रतिक |
विकास शांति देते सर्वांना,
स्थिरतेचा भाव सटिक ||३||
तिसऱ्या दिनी करडा रंग,
संतुलित विचार हे खास |
चौथ्या दिनी संत्रा रंग देतो,
आम्हाला स्फूर्ति आणि उल्हास ||४||
पांढरा रंग पाचव्या दिनी,
मिळे सुरक्षा व आत्मशांति |
सहाव्या दिनी लाल पोशाख,
चमके उत्साह प्रेमकांति ||५||
गडद निळा सातव्या दिनी,
भेटे सर्वांना आनंद भाव |
आठव्या दिनी गुलाबी रंग,
देतो प्रेम, स्नेह नि सद्भाव ||६||
नवव्या दिनी जांभळा रंग,
सकलांना समृद्धीची प्राप्ति |
धारण करा नवरंग हे,
देवीभावाची वाढे व्याप्ति ||७||
खूप आवडतात अंबेला,
नवरंग हे नवरात्रीचे |
करा सर्व प्रेमाने जागर,
इच्छीत मिळे फळ खात्रीचे ||८||
भक्ती भावाने करावी पूजा,
धरुनिया व्रत उपवास |
प्रसन्न होईल अंबे माता,
आशिर्वाद देई हमखास ||९||