निसर्ग

हिरवा शालू लेऊन

नटली ही वसुंधरा

सौंदर्याची खाण दडली

सृष्टीच्या चराचरा

फुलांचा मोहक रंग पाहुनी

भ्रमर होई दंग

निरभ्र आकाशी स्वैर होऊनी

मजेत उडे विहंग

आली वर्षा धरणीवरी

मग न्हाऊनी निघे सृष्टी सारी

झाडा-वेलींचे सौंदर्य खुले

रूप न्याहाळे दुनिया सारी

आकाशीचा सखा चांदवा

रमे त्यासवे रम्य चांदण्या

रवी राजा तो रोज उगवे

प्रकाश अन् उजेड देण्या

अनेक रूपे रंग घेऊनी

निसर्गराजा सजला

सौंदर्याचा अर्थ खरा तो

आज उमगे मजला