निसर्ग आपला बाप

निसर्गात रमावे 

येथेच्छ बागडावे

आहे बाप तो आपला

मनसोक्त येथे दौडावे 

फळे फुले छाया

देती वृक्ष

माणसाला पोसले त्यांनी

आहे सारे साक्ष

प्राणी कधी निसर्गापासून

दूर जातात का

आपल्याच बापाला पोरे

कधी परके होतात का 

निसर्गाचा करून ऱ्हास 

काय मिळणार मानवा

निसर्गातून आलो निसर्गात जाणार

अर्थ हा जाणावा 

नको वृक्षतोड 

नको काँक्रेटचे जंगल

लावूनी झाडे

वातावरण करू मंगल 

येईल मग दरवर्षी 

पाऊस भरपूर 

आबादीआबाद सारी नि

आनंदाचा महापूर  

पूजा करा निसर्गाची

जपून त्याला जन्मभर

मरेपर्यंत पुरेल तो

काळजी नको आयुष्यभर