भारत हा खवय्या
भारत हा खवय्या
भारत देश विविध चवींचा
भारत देश विविध पदार्थांचा
उत्तर ते दक्षिण पूर्व ते पश्चिम
अनेक स्वादांची असे रेलचेल
पंजाबचा सरसों का साग
लस्सी नि पराठा असे खास
राजस्थानी थाळी भारी चविष्ट
पदार्थांना मिळे राजेशाही चव
गुजराथी ढोकळा नि फाफडा
समोसाही वाटे आपला
दही वडा खायला मध्य प्रदेशाला जाल
इंदोरच्या खाऊगल्लीत रमून जाल
महाराष्ट्राची स्वादिष्ट पुरणपोळी नि तूप
मिसळीचा झणका नि वडापावची लज्जत खूप
कर्नाटकचा मैसूर पाक झक्कास
तोंडात टाकता वाटे खास
हैद्राबादी बिर्याणी आहे शाही
चव तिची जिभेवर राही
बंगालची मिठाई गोड गोड छान
आनंदप्रसंगी असे तिला मान
मेघालयचा भात नि मांसाहारी पदार्थ
जेवणाला देती ते अर्थ
इडली नि डोसा तामिळनाडूचा चविष्ट
सांबर नि चटणीही स्वादिष्ट
केरळची मच्छी खूप चवदार
नारळाचे पदार्थ असे असरदार
सारे पदार्थ असती बहारदार
खवय्यांच्या पोटाला देती आधार