लढा कोरोनाशी

बघ मानवा काय झाले

कोरोनाचे नवे संकट आले

मरु लागली माणसे

हरू लागली माणसे 

अदृश्य ह्या विषाणू पुढे  

हतबल झाली माणसे 

अरे प्रगत मानवा 

आता काय झाले

मोठेपणाच्या बढाया साऱ्या

सारे खोटे ठरले

घरात बंदिस्त माणसे सारी

स्वच्छंद फिरती पक्षी

प्राणीही घेती श्वास मोकळा

आहे सारे साक्षी 

प्रदूषण झाले कमी

कमी झाले गुन्हेही

जीव भांड्यात पडला

बिचाऱ्या पृथ्वीचाही 

शाप असला विषाणू हा

तरी भासे वरदान

सुधारू लागली माणसे

हसू लागले घरदार

एकट्या माणसाची नव्हे पृथ्वी

नाही आपण निर्बुद्ध 

आता येऊया एकत्र 

नि जिंकू हे युद्ध