निरूत्सव
निरूत्सव
रंगातील रंगच आता
खूप मलिन झाले आहेत
उत्सव उत्सव राहीले नाहीत
ते निरूत्सव झाले आहेत
एका साध्या महामारीने
हे काय करून ठेवले आहे
रक्त आटवून कमवलेले
आता सगळे गमावून झाले आहे
धरती आकाश चराचर
सारेच निस्तेज झाले आहेत
सगळेच परस्परांवर
आज नाराज झाले आहेत
हवेची एक झुळूकही
वादळासम वाटू लागली आहे
माणसाला पाहून माणूसही
आता घाबरू लागला आहे
सगळेच जण संकटात
संधी शोधू पहात आहेत
जगण्यासाठी काहीही
करायला तयार झाले आहेत
निसर्गाची हवी तशी
मोडतोड करून झाली आहे
माणसाने सभ्यतेच्या
सीमा पार केल्या आहेत