लाइब्रेरी
प्रोफाइल
निरोप बाप्पाला
निरोप बाप्पाला
1 min
293
येता क्षण निरोपाचा
गहिवरे भक्त मन
दहा दिवस सोहळा
झाला आजच संपन्न (१)
पूजा षोडषोपचारे
रास असे मोदकांची
आज उदासले मन
बाप्पा चालले घरासी (२)
होता आरती देवाची
भक्त गजर करती
गणेशाला आळवुनी
झणी येण्या विनवती (३)
बाप्पा चालले घराला
चैन पडेना आम्हांला
दहा दिनांचा सोहळा
आज संपन्न जाहला (४)
पुनरागमनायच
भक्त त्रिवार सांगती
देव वळून बघती
भक्तां आशिर्वच देती (५)
