आजीच्या गोष्टी
आजीच्या गोष्टी
1 min
401
आजीच आठवत रहाते
आज मलाच जर अंधुकशी |
सांगू तरी आजीच्या गोष्टी
आज मी तुंम्हाला कशी? | |१| |
तिला दिली आणून चिंचा बोरे
आठवते सांगायची गोष्टी मग ती |
राम कृष्ण संत पात्र तिच्या कथेची
कधी संस्कृती, संस्कार डोकावती | |२| |
आठवते एकदा तर तिच्या गोष्टी
ऐकता गेलो इतके गुंगून |
आई ओरडून गेली रागे आमच्या
शिवाय गेली झोपी रुसून | |३| |
आजही आठवते नेसवलेली जाता
तिला अखेरची गुलाबी नववारी |
नभ गुलाबी दिसताच गडगडताना
वाटे आम्हा आजी दळे जात्यावरी | |४ | |