नेमके काय आहे?
नेमके काय आहे?
लेखणीत हातामधल्या
नेमके काय आहे
नेटका शब्द एखादा
वा तलवार दुधारी आहे
पापण्यात मिटल्या दोन्ही
नेमके काय आहे
आसवात भिजले आठव
की स्वप्न कोवळे आहे
मिटलेल्या अलगद ओठी
नेमके काय आहे
आर्त कथा कोणाची
की गीत उद्याचे आहे ?
घनगर्द मिट्ट काळोखी
नेमके काय आहे
आक्रोश कुण्या अबलेचा
की सृजन सोहळा आहे
कवितेच्या लिहिण्यामागे
नेमके काय आहे
नुसत्याच रम्य कल्पना की
मन उघडे करणे आहे