नातं तुझ नि माझं

नातं तुझं नि माझं

जणू अग्नी विस्तवासारखं 

होरपळून तर जातो त्यातून

पण तळपतो सूर्यासारखं

नातं तुझं नि माझं

जणू चंद्रकोरीसारखं

कलेकलेने वाढून

तेज आल्यासारखं

नातं तुझं नि माझं 

जशी निरंजनाची मंद वात

तेवत राहते ती अखंड 

अन साथ देते तासंतास 

नातं तुझं नि माझं 

जणू दोन नयनासारखं 

भेटत नसले तरीपण 

देतात एकाच वेळी साथ 

नातं तुझं नि माझं 

जणू सागर नभासारखा 

स्पर्श करत नाही तरीपण 

वाटतं आभासासारखं

नातं तुझं नि माझं 

आहे फक्त दोघांपुरतं 

जगावेगळं हे नातं 

लोकांना न कळण्यासारखं 

नातं तुझं नि माझं 

कसं स्विकारायचं हे कसं

तू अन मी वेगळे असूनही 

एकरूप असल्यासारखं 

तू अन मी वेगळे असूनही

एकरूप असल्यासारखं