मृगजळ

रक्ताची नाती सर्वश्रेष्ठ जरी असतात

परंतु त्यातील बरीचशी मृगजळ असतात

कधी कर्तव्य कधी आपुलकी जपतो

स्वतःपेक्षा त्यांना जवळचं मानतो

वेळ आल्यावर मात्र घाव तेच देतात

रक्ताची काही नाती मृगजळ असतात

समाजातील प्रतिमा जपण्यासाठी

जीवाचा आकांड तांडव करतात

प्रसंगी आपल्या माणसांचा बळी हे देतात

रक्ताची काही नाती मृगजळ असतात

प्रेमाच्या मृगजळत कित्येक आयुष्य उद्ध्वस्त होतात

त्यामागे धावताना स्वप्नही हवेत विरतात

नात्यांची गणितं तेव्हा समजतात

रक्ताची काही नाती मृगजळ असतात

नात्यांच्या मृगजळा मागे धावायचं नसतं

डोळे उघडे ठेवून आपण जीवन जगायचं असतं