लाइब्रेरी
प्रोफाइल
मराठी माऊली
मराठी माऊली
1 min
161
माझी मराठी माऊली
दाते अभंग भारुड
शब्द शब्द तिचा असा
जणू ज्ञानाचे कवाड
माझ्या भाषेचा संस्कार
अमृताने भिजलेला
बोली भाषेतून कसा
जनी मनी रुजलेला
भजनात कीर्तनात
हळुवार प्रकटली
ओवी अंगाई नी गाथा
घरी दारी विसावली
दरी खोऱ्यातून घुमे
तिचा आवाज रांगडा
स्वाभिमानी कणखर
जसा सह्याद्रीचा कडा
माझ्या भाषेचे कौतुक
तिच्या स्वरात गोडवा
तिचा प्राचीन वारसा
मना मनात जपावा
ठेवा अमूल्य भाषेचा
किती महती सांगावी
गाजे त्रिखंडात नाव
अभिमाने मिरवावी
महाराष्ट्र गर्जे माझा
तिचा दर्जा अभिजात
उंच फडकतो झेंडा
मराठीचा गगनात
