पण तू

गर्दी केली मेघांनी आकाशी

अन् सरसर करीत धाराही अवतरल्या

धांदल उडाली साऱ्यांची माझीही

अन् झाडाखाली जात असताना धडकलीस

धक्क्याने माझ्या पडलीस

मी चटकन हात दिला 

उठलीस पण चिडलीस, रागावलीस, 

बापरे तुझा राग

पावसाच्या मार्यापेक्षा जास्त होता तुझा पारा 

अन सायंकाळच्या वेळी, चिंब पावसात भिजत

तुझ ते रागावन मी थिजून गेलो

तुझ्याकडे पहातच राहिलो

ओलं सौंदर्य तू भानावर आलीस

अंधार पडेल जाऊया का 

मी जाणीव करून दिली 

अन तू चालू लागलीस

जोरात वीज कडाडली, मी आधार दिला 

अन तू नाईलाजाने स्विकारलास,

हात तसाच हातात, घसरून पडू नये म्हणून 

किती चाललो माहित नाही, जाणवलेच नाही 

अन दोघांचे वेगळे रस्ते आले

जाते मी म्हणालीस अन निघून गेलीस 

मी ही घरी गेलो पण 

त्या दिवसापासून मी घरात नाही

अजूनही पाऊस पडत असताना त्या वाटेवर 

चिंब उभा राहून भिजत असतो

पाऊस येतो , मी येतो, पण तू ?