लाइब्रेरी
प्रोफाइल
माझी भाषा
माझी भाषा
1 min
428
भाषा आहे मराठी माझी माता
वंदनीय जशी श्रीकृष्णाची गीता ll
ज्ञानोबाची भावार्थ दीपिका
दुरितांच्या ज्ञानाची वाटिका
जनी मनी येई लौकिका
शब्द तिचा गोड लागता ll
समृद्ध केली मराठी संतांनी
तुकारामांची अभंगवाणी
दासबोध सांगे राम वाणी
नामदेव एकनाथांची गाथा ll
लोकभाषा नी बोलीभाषा
बहिणी जशा उषा निशा
मातृभाषा दावी त्यांना दिशा
मातृभाषा ओघवती सरिता ll
मातृभाषेतून सहज शिक्षण
साधना ना मातृभाषे वीण
मातृभाषेतून सुलभ अकलन
भाषे चरणी या टेकवावा माथा ll
