माझा विठ्ठल

माझा विठ्ठल विठ्ठल

हरी नामाचा गजर

दिंडी संगे वारकरी

विठू भेटीला अतुर

दिंडी चालते चालते

भक्ती भावात तल्लीन

टाळ मृदुंग चिपळ्या

गोड भजन कीर्तन

वाट सरते सरते

ओढ भेटीची लागते

चंद्रभागा बोलाविते

कष्ट सारे निवविते

पाया रचितो ज्ञानोबा

होतो कळस तुकोबा

साधू संत सारे येती

साद घालितो चोखोबा

माझी पंढरी पंढरी

देव उभा विटेवरी

माय विठू रखुमाई

जसा विसावा माहेरी

अरे सावळ्या सावळ्या

रूप तुझे पाहुनीया

तृप्त होते मन माझे

मिळो मोक्ष तुझ्या पाया