मोरपंखी स्पर्श

मोरपंखी स्पर्श तुझा

स्वप्नात सख्या मी जाणिला

सत्यात कधी येशील का

हातात हात घेशील का

स्वप्ननगरीत पुन्हा नेशील का

जवळ ओढून घेशील का

प्रितीने चुंबन देशील का.....

ओझरता कटाक्षही

रोमांच फुलवितो देहात या

अंतरी काहूर माजले

आत्मतृप्ती देशील का

सख्या तू येशील का .....

मोकळ्या कुंतलात माझ्या

हळुवार बोटे फिरवूनी

गोडगुलाबी तवस्पर्शाने

मन माझे हर्षित करशील का

बाहुत मजला भरशील का

सख्या तू येशील का .....

ओठांच्या या पाकळ्यांना

मिटुनी घेतले मी जरी

तवअधरांनी चुंबून तयांना

नवसंजीवन देशील का

सख्या तू येशील का....