लाइब्रेरी
प्रोफाइल
मनी उमगेना काय दडले
मनी उमगेना काय दडले
1 min
207
क्षण गोठले उराशी गतजन्माची सल मनाशी
काय शोधते मनी उमगेना काय दडले अंतरी
सोस भावनेसही कळेना उगा छळ हा मनाशी
गुढ अनामिक खुणा ,वाटा काहुरल्या जणू उरी
काय शोधते मनी उमगेना काय दडले भावांतरी
अंथाग सागरडोही खेळी घनमाळा या पापणीशी
आसमानी गुज मनी वादळी घाव झेलते अंतरी
काय शोधते मनी उमगेना काय दडले शब्दांतरी
काल वेगळी ती सावली आज आगळीक क्षणाशी
जग सावरले नयनांती भान मागूनी त्या नभांतरी
काय शोधते मनी उमगेना काय दडले श्वासांतरी
कसे उमजावे भाव मनीचे कसे उमजे गूढ जन्माशी
नितीनियमात राहीली रिती ओंजळ ही हृदयांतरी
काय शोधते मनी उमगेना काय दडले जन्मांतरी
क्षण गोठले उराशी गतजन्माची सल मनाशी
काय शोधते मनी उमगेना काय दडले अंतरी
