मन लागत नाही
मन लागत नाही
1 min
416
दिस सरत नाही रात ढळत नाही
तुझ्या आठवणीत मन लागत नाही...//धृ//
वाटतोया दिस एक वरीस समान
टाक रित्या झोळीत पिरमाचं दान
झरा विरहाचा कसा हा आटत नाही
तुझ्या आठवणीत मन लागत नाही...//१//
घुसमट होते गं सखे या जीवाची
पुरी कशी होईल कहाणी पिरतीची
शेवट हा कहाणीचा का होत नाही
तुझ्या आठवणीत मन लागत नाही...//२//
तुझ्याविना संसार झालाय फाटका गं
घराचा उंबरा ही झालाय तुटका गं
ओठी मी नाव दुसऱ्याचे घेत नाही
तुझ्या आठवणीत मन लागत नाही...//३//
दिस सरत नाही रात ढळत नाही
तुझ्या आठवणीत मन लागत नाही...//4//