*// आईला मी रोज मरताना पाहिलं

आला घरी दारू पिऊन बाप

रोज झालाय डोक्याला ताप

चपलेने मारताना मी पाहिलं

आईला मी रोज मरताना पाहिलं...//१//

नवरा म्हणून इच्छा पुरी केली नाही

कधी प्रेमानं विचारपूस केली नाही

आजवर घरासाठी झुरताना पाहिलं

आईला मी रोज मरताना पाहिलं...//२//

शिवीगाळ करून हुकूम चालवतो

चार चौघात तिची लाज काढतो

माझ्या आईला मी रडतांना पाहिलं

अखेरचं आईला मी मरतांना पाहिलं

अखेरचं आईला मी मरतांना पाहिलं...//३//