मकर संक्रात
मकर संक्रात
भारतीय अशा संस्कृतीत
महत्त्व संक्रांती सणाला
हळदी - कुंकू करूनी
वान देऊ सुहासणीला ||
मकर राशीत सूर्याचे
होते आजच संक्रमण
तिळगुळाचे गोड क्षण
असा संक्रांतीचा सण ||
लाडू तिळाचे पौष्टिक
संक्राती सणात स्थान
सुहासिनी करती आज
वान भरून सुगड पूजन ||
तिळाची असे स्निग्धता
गुळाचा गोडवा जीवनात
पतंग घेतो गगन भरारी
गोड गोड ओलावा शब्दात||
संक्रातीच्या दिनापासुनी
दिवस रात्र होती समसमान
ऋतूबदलाने थंडी कमी
मराठमोळा सण हा महान ||
जीवनात येणारे सर्व
नैराश्य, दुःख बदलूया
तिळगुळाच्या गोडव्याने
अनमोल नाती जपुया ||