मकर संक्रांत
मकर संक्रांत
जीवनात गुळातला
भरू मधूर गोडवा
पर्व संक्रांतीचे आले
स्नेह नात्यात वाढवा
जीवनाचा कडूपणा
दूर थोडासा सारु या
आली मकर संक्रांत
वाण प्रेमाचे वाटुया
तीळगूळ घेऊ देऊ
प्रेम संबंध वाढवू
भेदाभेद दूर सारू
क्रांती नवीन घडवू
आज संक्रांतीचा दिन
आनंदाची ही पर्वणी
चला पतंग उडवू
उंच निळ्या नभांगणी
दोर मध्येच तुटता
कुठं पडतो पतंग
कशी दुर्दशा होतसे
होतो रंगाचा बेरंग
जीवनाच्या पतंगाचा
दोर देऊ प्रभू हाती
सांगे इति कर्तव्यता
सण मकर संक्रांती