मिठीत तुझ्या

मिठीत तुझ्या पुन्हा एकदा

नदी किनारी तुला बिलगुनी

निसर्गाचा करुनी टेबल

नभाची पसरवोनी चादर

चांदण्यांना बनवुनी कँडल

पक्षांच्या मंजुळ स्वरात

ऐकत ती मधुर गाणी

करुयात का रे परत एकदा

कँडल लाईट डिनर

गवतावरती मऊ गादीचा भास होतो

खांद्याची तुझ्या माझ्यासाठी  

करुन मखमली उशी

खुशीत मला घेऊन तुझ्या  

दवबिंदुच्या स्पर्शाने

फुल मोगरा फेके अत्तर

स्वप्नात मला नेशील का

तुझी आहे मी राधा बावरी

तू कृष्ण कन्हैया होशील का