मी प्रेमदिवाणी
मी प्रेमदिवाणी
कसे सांगावे तुला
मला काही कळेना
माझ्या मनाची बेचैनी
राजसा, समजून घे ना
पावसाळी वातावरण
हवेतला धुंद गारवा
मनात स्व्छंद नाचतो
माझ्या स्वप्नातला पारवा
पडे सोनसळी ऊन
दिसे रंगीबेरंगी इंद्रधनुष्य
एकमेकांच्या मिठीत आपण
सुखाने जगूया आयुष्य
असे लागले वेड तुझे
मी झाले प्रेमदिवाणी
जीवनाच्या पानावर लिहू
तुझ्या-माझ्या इश्काची कहाणी
तुझ्या प्रीतीत झाले धुंद
माझ्या गालांवर तुझा रंग
आपले प्रेम बहरावे सदैव
जन्मोजन्मी मिळावा संग