मेंदूची स्वच्छता

मेंदू शरीरातील सर्व अवयवांचे

करीत असतो योग्य ते नियंत्रण |

त्याच्याच आदेशानुसार चालते

शरीरातले सर्वच रक्ताभिसरण | |१| |

निरोगी शरीरासाठी मेंदूचे स्वास्थ्य 

अबाधित ठेवायलाच हवं |

मेंदूची स्वच्छता रक्षणार्थ बुद्धीच्या

नवल त्यात कसलं ते नवं? | |२| |

मन करा रे प्रसन्न सर्व सिद्धीचे 

कारण त्यातच मेंदूचे रक्षण |

चिंता अविचारांची साफसफाई 

सद्सद्विवेक बुद्धीचे खरे लक्षण | |