मधुरंग प्रीतीचे..

मधुर वळणवाट अल्लड

मोरपंखी तुझाच वावर

वळुन पाहताना ऊन्हातुन

पुन्हा माझ्या मनास सावर||१||

परिमल केवड्यासम हवासा

बेधुंद तुझ्याच श्वासाचा

ह्दयात भिनलेेला जरासा

स्वप्नबिंदु माझ्याच ध्यासाचा||२||

मृदुंगापरी कोमल सुरांचा

आलाप तुझ्याच स्वरांचा

धुन सजलेली नव्याने

संगतीत माझ्याच गीतांच्या||३||

नयनांत विसावले मन

गुंतता तुझ्याच स्पंदनात

अंत:करणी प्रीत जन्मली

फुलली तीही माझ्याच अंगणात||४||