मैत्रीचा हात

मैत्रीचे नाते अतूट

जुळले माझे वृक्षाशी

सखा हा माझा गोजिरा

साथ वाटते त्याची हवीशी

तड्पत्या उन्हात देतो गारवा

खंबीरपणे राहून उभा

सखा माझा हा सोबती

पाऊस आणतो नभा

बघून त्याला मिळतो

डोळ्यांना माझ्या दिलासा

होते मी तृप्त

त्याच्या रक्षणाचा घेऊन वसा

निःस्वार्थ त्याचे प्रेम

करतो तो माझे पोषण

पुरवून अन्न,वस्त्र, निवारा

त्याचे कसे फेडू मी ऋण

माझा हा सखा गोजिरवाणा

आहे मला हवाहवासा

म्हणून करते वृक्षारोपण

देऊन घट्ट मैत्रीचा हात जसा