मैत्री

मैत्री म्हणजे बंध रेशमाचे

नाते प्रेमाचे अंतरीची ओढ |

मैत्री एकमेकांनी खाल्लेल्या 

पेरूची रुचकर अशी फोड | |१| |

मैत्री म्हणजे आश्वासक साथ

सुख दु:खात पाठीवर असणारा |

मैत्री म्हणजे नदीचा सुंदर काठ

बुडत्यास आधार खरा ठरणारा | |२| |

मैत्री म्हणजे हवीहवीशी वाटणारी

सुखदशी सुंदर झुळूक वा-याची |

मैत्री म्हणजे मना भुरळ घालणारी 

रात्र नभी चमचमत्या ता-यांची | |३| |

मैत्री म्हणजे आकाशी उडणा-या 

बगळ्यांची सुंदरशी जणू माळ |

मैत्री म्हणजे सतत आठवणारा

बालपणीचा रम्य असा काळ | |४| |