माय बाप

खूप शिकून रे बाळा

गेलास घरापासून लांब

तू झालास मोठा साहेब

पण अजूनही गावाकडं

वाट बगती तुझं माय-बाप

तुझ्या शिक्षणापाई किती

खटाटोप घेतला

तू शिकावास म्हणून

चिमटा काढला पोटाला

बाप अजून फेडतो तुझ्या

शिक्षणाची सावकाराची उसनी

माझ्या अंगची जाता

जाईनात दुखणी

शेतमधी राब राबून मोडलं

माझं कंबर

एकदा येऊन खाऊन जा

मायच्या हातचं पिठलं-भाकर

तू नाहीस तर बाळा

घरपण नाही रे घराला

पण विसरू नको यायला

दहन द्यायला आमच्या सरणाला

मेल्यावर तर बगावयास

येऊन जा रे बाळा

नाहीतर पिंडाला आमच्या

शिवणार नाही कावळा

शेवटचं एकदाच बघायला

ये रे बाळा...