मावळत्या दिनकरा

दिनभर प्रकाशूनी

सूर्य निघाला अस्ताला

क्षणभर घे विश्रांती 

सृष्टी सांगे आदित्याला

जाता जाता दिनकरे

रंगविले नभांगण

जशी सकाळी प्राचीला

केशराची उधळण

दाही दिशा हळदीच्या

संधी प्रकाशे धुंदल्या

मंद थंड पवनाने

तप्त झळा निवळल्या

गाई चालल्या गोठ्यात

परताती सारे पक्षी

दिनकर मावळता

नभी मोहक ती नक्षी

अर्ध्यदान देती जन 

दोन्ही करांना जोडून 

 सांजवात वृंदावनी   

माय नित्याने लावून