Library
Profile
माणुसकीची दिवाळी
माणुसकीची दिवाळी
1 min
342
आली शुभ दिपावली
सर्वांसाठी चैतन्याची
रोषणाई नि आनंद
चित्रे भरभराटीची.....|१|
कुठे तो झगमगाट
आनंदाची रेलचेल
दिनाघरी भुकेचेच
चित्र नयनी दिसेल.....|२|
उत्सवाच्या सोहळ्यात
मजुरीत अडकला
दिन मोलभावाच्याच
पोटासाठी भटकला.....|३|
हेच ते गोरगरीब
मृत्यू झाल्यानंतरही
कैक जीवांना तारती
अवयव दुजा देही.....|४|
देश विदेशात फार
मागणी अवयवांची
अपघात, भुक, तृष्णा
संख्या अधिक मृत्यूची.....|५|
गरीब नकोसा सर्वांना
अवयव चालते कसे?
ज्यामुळे प्रकाश अंगणी
तेच दृष्टीस नकोसे.....|५|
माणुसकीला जप मानवा
मदतीचा हात भाग्य उजळी
पैसा, कपडे वा गोड वचने
मिळता तीच त्यांची रे दिवाळी.....|६|
