गोडवा नात्यांचा

दिवाळीचा सण आला

आनंदाची, उत्साहाची

रेलचेल दिसे नेत्रा

असे पर्वणी सुखाची.....|१|

स्वप्ने झालेत साकार

मिळे जीवनाला अर्थ 

तुझ्या विना या जगाची

कल्पनाच आहे व्यर्थ.....|२|

साडेतीन मुहूर्तात

दिन असे पाडव्याचा

क्षण तोही सुखावला

पती पत्नीच्या स्नेहाचा.....|३|

ओवाळून प्रिया तुला

धन्य जाहले जीवनी

खाचखळग्यांच्या वाटा

पार करुया मिळूनी.....|४|

गोड आपल्या नात्याला

आहे आधार मायेचा

मनातील संवेदना

जपी गोडवा नात्यांचा.....|५|