Library
माझं मन तुला कस कळत नाही
माझं मन तुला कस कळत नाही
माझं मन तुला कस कळत नाही
माझं प्रेम तुला कस कळत नाही
बोलायचं असत तुझ्याशी खूप काही
ऐकायचं असत तुझ्याकडूनही
पण तुला त्यासाठी वेळ काही मिळत नाही
माझं मन तुला कस कळत नाही
आठवणींमध्ये मग मला मन रमवावे लागते
भूतकाळातले आयुष्य जगावे लागते
वर्तमान आणि भूतकाळ यांचा मेळ काही बसत नाही
माझं मन तुला कस कळत नाही
मी झाले पूर्णतः तुझी तू माझा कधी होणार
तुझ्या व्यस्त वेळेतून माझ्यासाठी वेळ कधी काढणार
माझी व्यथा तुझ्यापर्यंत पोहोचत नाही
माझं मन तुला कस कळत नाही
नाही का रे वाटत हातात हात घालून बसावं
पूर्वीसारखं एकमेकांच्या प्रेमात चिंब भिजावं
घडेल का तसे पुन्हा माहीत नाही
माझं मन तुला कस कळत नाही
किती आघात होतो माझ्या मनावर तुझ्या वागण्यामुळे
तुटून जाते मी पूर्णपणे तुझ्या दुर्लक्षामुळे
अश्रूंशिवाय माझ्या डोळ्यात काहीच उरत नाही
माझं मन तुला कस कळत नाही
