लाइब्रेरी
प्रोफाइल
माझा महाराष्ट्र
माझा महाराष्ट्र
1 min
392
माझा महाराष्ट्र
सह्यगिरीच्या कडेकपारी
विस्तीर्ण दख्खन पठार
झुळझुळणारी सरिता पात्रे
हिरवाईचे मनोरम्य आगार।
पावनभूमी माझा महाराष्ट्र
शिवरायांच्या पद कमलांनी
जिजाऊंचे जाज्वल्य राष्ट्रप्रेम
रक्त उसळते शब्द सुमनांनी।
थोर संत गुरू परंपरा
पोवाडे, अभंग गोडवे गाती
स्वातंत्र्यासाठी रूधीर शिंपूनी
वीरांनी पुलकीत केली माती।
देशाच्या सत्ता, समाजकारणी
प्रभावी माझी मुंबापुरी
वीर,लोकनेत्यांची भूमी
संस्कृतीचा डंका त्रिखंडावरी।
पाणी,मृदा प्रदुषण नियमन
गरज बनली आज काळाची
संपन्न,सुजलाम् ठेवूनिया
राखू शान माझ्या महाराष्ट्राची।
