माझा कास्तकार बाप
माझा कास्तकार बाप
माझा कास्तकार बाप
रातदिस राबे वावरा
दिसा वखरनी करे
रातच्याले जागली करे||
कास्तकार बाप माझा
दिसतो चिंतेत हे खर हाये
पण कधी म्हणे थोडी का राहेना
बर झाल मले वावर त हाये||
अल्पभूधारक आहो म्हणुनसन
सरकारी मदत पण भेटते
कर्ज बिर्जाचीबी कंदीमंदी साह्यरा होते
नाही म्हणल तरी जरासी सपसिढीबी भेटते||
मंधातले दलाल भाय तरास देते
त्यायिले कदीबदी घाला लागते चारा
आजकाल दिस महागाईचे आले
कर्ज उचल्याशिवाय विलाज नसे न्यारा||
तरीबी माह्य म्हणन हाये ताने
नौकरी करण्यापरिस वावर बर हाय
आपण आपल्या मर्जीचे मालक हावो
कव्हा नाही जाव वाटल अडत नाही काय||
आजकाल शिकूनबी नोकरी
काही लागत नाही ताने
सोताचा धंदा केला तर
राजापरीस राह्यने||
शेती आपली माय सारखी
थे काही अंगावर ठेवत नाही ताने
काही ना काही कुरपा होतेच
तव्हाच का आपण समदे रायतो आनंदाने||