Library
Profile
माघी एकादशी
माघी एकादशी
1 min
491
चांदणं फुटलंय शिवार हसलंय
लागलाय जुंधळा डोलायला
चंदेरी कणीस मोत्यांची दाणं
लागल्यात वाकुल्या दाखवायला
वाऱ्याची झुळझुळ पानांची सळसळ
लागलाय आवाज घुमायला
थंडगार गारवा शिवार हिरवा
पिठूळ जमीन चमकायला
किड्याची किरकिर काजवा भिरभिर
साद घालतोय चांदण्याला
बैलाची दावण कडवळची वैरण
घुंगरूचा आवाज गळ्यातला
कडब्याची खोपी कारभारी झोपी
घोंगड्याचं पांघरूण उशाला
तांबडं फुटलं दव चमकलं
लागला कोंबडा अारवायला
सोनेरी ताट वा सोनेरी कणसे
धरणी लागलीय हसायला
देवाचं देणं फिटलं पारणं
मल्हारी लागलाय नाचायला
वारकरी पंथ माळकरी संत
जाऊया म्हणतोय पंढरीला
