लहानपणीचा पाऊस

पाऊस आला पाऊस आला 

आसमंत सारा भिजून गेला

पावसाचा तो थेंब ओला 

मातीमध्ये विरून गेला

मातीचा तो सुगंध सारा

घेऊन आला टपो-या गारा

बालगोपाळांची मजा झाली

मातीतच मग खेळू लागली

मातीचे घर अन् मातीचेच लाडू

मातीचा संसार मातीतच मांडू

स्वप्न मनाशी घेऊन भारी

खेळामध्ये दंग सारी

एवढ्यात मोठी सर आली

संसार सगळा घेऊन गेली

स्वप्न मनातील मनातच सरली

खेळ मोडूनी घरी पळाली

असा हा पाऊस लहानपणीचा

खोडसळ बारीक खोडीचा