सोळा शृंगार...
सोळा शृंगार...
सोळा शृंगार करूनी
लक्ष्मीच्या पावलांनी
तुझ्या आयुष्यात
सजना मी रे आले
नववधू मी बावरते रे
अडखळते सावरते
तुझ्या विचारांनी
मनास भुरळ ही पडते
नेसले भरजरी हा शालू
नाजूक हातावरी खुलला
रंग गहरा मेहंदीचा
जणू तुझ्याच प्रेमाचा
बरसेल बघ काळ्या
काजलच्या ढगातून प्रेम
भाळीचे कुंकू ही मग होईल
लाजुनी आणखी लाल
सख्या हा सारा रे
सोळा शृंगार
फक्त तुझ्याचसाठी
अन तू माझ्यासाठी
कित्येक स्वप्ने आहे मनी
तुझेच मोहक रूप ध्यानी
लाजले रे आरशात
स्वतःलाच पाहुनी
मिलनाची रात समीप
मोहरले रे अंग-अंग
तुझ्यासोबतीने माझ्या
आयुष्यात येईल रे रंग