थंडी हिवाळ्याची

पूर्वी सारखा ॠतु 

आता उरलाचं नाही

हिवाळ्याची थंडी आता

अंगाला झोंबतच नाही

नाकाला असायची

शेंबडाची धार

मनगटावर असायचा

मेकडाचा भार

शेकोटीला जळायची

प्रत्येकाची सासू

शेकोटीतील धुराने 

यायचे डोळ्यात आसू

भुईला हातरायला

तरट मिळे पोत्याचं

अंगावर घ्यायला

उबदार गोधड असायचं

ओठ अन् टाचा

टरारुन उलायचे

आमसूल अन् मेण

भेगात भरायचे

कडाक्याची थंडी

उरलीच नाही राव

आली आली म्हणता

खाऊन गेली भाव