लेखनाची किमया

जेव्हा श्रवण, भाषण, वाचन कौशल्ये पूर्ण होते, 

तेव्हा लेखनाच्या शेवटच्या टप्प्याला सुरुवात होते||

सृजनशील लेखनाचे कौशल्य अवगत होते, 

तेव्हा मनातील भाव कागदावर उतरीत होते||

जे काही ऐकले, वाचले अवगत झाले होते, 

त्यांचेच लेखन करुन ते लिहून काढत होते||

रंग लेखनीचे जेव्हा कागदावर उतरत होते, 

शब्द मुकेही अर्थ देऊन जात होते||

शब्दाला शब्द जुळले की लेखन तयार होते, 

मनातील भावनांचे लेखन करून लेख तयार होते||

लेखन कौशल्यासाठी आत्मानुभव आवश्यक आहे, 

जे लिहायचं असते त्याची माहिती आवश्यक आहे||

एका पिढीतून दुसऱ्या पिढीत ज्ञानाचे स्थलांतर करते, 

एका व्यक्तीच्या विचारांना लोकांमध्ये प्रसारीत करते||

लेखन चांगले असल्यास लेखक, कवी, पत्रकार बनता येते, 

शब्दांच्या खेळीने दुसऱ्याचे मनही जिंकता येते||

कविता, चारोळी, निबंध, स्फूट लेखन लिहिता येते, 

आपल्या व्यक्तीमत्त्वाने आपला प्रभाव दाखवता येते||

मनातले बोलता येत नसले तर लिहून दाखविता येते, 

आपल्या भावनांना व्यक्त करण्यासाठी लेखन उपयुक्त होते||