लाइब्रेरी
प्रोफाइल
लावण्याचे तेज
लावण्याचे तेज
1 min
279
नयन निरागस ओठ बोलके
गाली शोभे गोड खळी
लावण्याचे तेज पसरले
चैतन्याची अनुपम झळाळी
चुडा घातला हातामध्ये या
गळा मोत्यांची माळ शोभली
आरसपाणी सौंदर्याने
रुपास या चकाकी लाभली
कानी सजे कुंडलांची प्रभा
काजळ नयनी ओठी लाली
तुझ्या सुखात सजूनी
चंद्रकोर ती खुलली भाली
प्रतिबिंब तुझे दर्पणात
हास्याची लकेर मोहक गाली
केशसंभार दरवळला
बांधूनी कुंदकळ्यांच्या वेली
मराठी संस्कृतीचा मान
नाकी मोत्यांची नथनी
गुलाबी-केशर साडीत
शोभून दिसे लावण्यखणी
साज तुझा शृंगार तुझा
भुलवी सख्याच्या गं मना
नांदो आयुष्यभर सुखाने
पूर्ण होवो तव मनोकामना
