लावणी

नकाच भटकू राया सखया येतेय बघा मी न्हाऊन

घेरलं प्रेमानं तुम्हां करते मी आताच लॉक डाऊन ||धृ ||

वाढलाय आता धोका 

चुके काळजाचा ठोका

नका सोडू तुम्ही मोका

घेऊ संगतीने झोका

मोकाट सुटलेत कोल्हे लांडगे या ना हिसका दावून

घेरलं प्रेमानं तुम्हां करते मी आत्ताच लॉक डाऊन ||१||

आलंय बंधन मला

बाई सांगू मी कुणाला

जपावं माझ्या मनाला

या पिरतीच्या फुलाला 

नकाच जाऊ सोडूनी राया मला अंगठा तुम्ही दावून

घेरलं प्रेमानं तुम्हां करते मी आत्ताच लॉक डाऊन ||१||

प्रेमाची झाली आखणी

गंभीर नाहीच कुणी

झाला कहर हो राया

मोहरली माझी काया

नवतीचा शिणगार करुनी आलेय सख्या मी धावून

घेरलं प्रेमानं तुम्हा करते मी आत्ताच लॉक डाऊन ||१||