कुठे पुण्य रोवतो तू ..........

बांधून निंबू मिर्ची गृह्दोष काढतो तू

फोडून नारळाला कुठे देव शोधतो तू

पेटवून झाला कापूर धुपबत्ती वाया गेली

फसव्यागीरीत मित्रा उगाच सोंगतो तू

बांधून सप्तरंगी धागा कितीक झाला

इच्छापूर्ती पुरता नुसताच झुरतो तू

डूबला किती तरी तू गंगेत नाह्तांना

होण्यास पाप नष्ट दिसरात मुरतो तू

जाऊन तुझे झाले कितीक बुवापाशी

लाखळफुकीच्या खोट्या ढोंगात फसतो तू

सोडून दे तू आता या फालतुच्या गोष्टी

नसल्या सुखांसाठी स्वताःस छडतो तू

अरे जाण माणसा तू तुझ्यातली शक्ती

विसरून मेहनतीला फुकटात हिंडतो तू

कर प्रार्थना मनासाठी माणुसकीसाठी

मारून जनावरांना कुठे पुण्य रोवतो तू