क्षणात इकडे क्षणात तिकडे

असे कसे हे घडे कळेना, क्षणात इकडे क्षणात तिकडे

गुपित मनीचे मनी दडेना, क्षणात इकडे क्षणात तिकडे

मनात बांधून ठेवला मी, सुगंध एकांत आठवांचा

आता मला याद साहवेना, क्षणात इकडे क्षणात तिकडे

न एक जागी पडे... न चाले, दिशेत एकाच राहते ना

इथेच पाऊल थांबते... ना, क्षणात इकडे क्षणात तिकडे

सुकामिनी नार मी फुलासम, भ्रमर दिवाना तुझ्याप्रमाणे

तरीच खुलता कळी खुलेना, क्षणात इकडे क्षणात तिकडे

कधी नदीसम प्रवाह माझा, अबोल होते कधीकधी मी

विहीर मी स्तब्ध... वाहते ना, क्षणात इकडे क्षणात तिकडे