कल्पनेचा कुंचला!
कल्पनेचा कुंचला!
रंगवूनी चित्र कल्पनेत
रंगात बुडवून कुंचल्यास
साकारीन नवा निसर्ग
पुसून काढीन प्रदूषणास
कल्पनेच्या कुंचल्याने
ढग नभात रंगवेन
जिथे ना पडे पाऊस
तिथे घनघोर वर्षा पाडेन
सदा हिरवळी रंगवून वाटे मज
पशू पक्ष्यांनाही आनंद द्यावे
कधी ही न पडता कमतरता
मानवास समाधान व्हावे
मनास वाटे, सुंदर घर बनवून
निराधारास आधार द्यावा
स्वप्न पूर्ण करण्यास त्यांचे
जादूचा कुंचला हातात घ्यावा
अशी ही जादूची किमया
खरीच आली जर माझ्या हाता
आयुष्य वाढवण्या सर्वांचा
कुंचल्यास बनवीन खरा दाता