किनारा

तुझ्या सावलीसवेचा भास मीच आहे 

तुझ्या चेतनेचा श्वास मीच आहे 

झंकारेन क्षितिजासह सर्व दाही दिशांना

या अमर प्रीतीचा निनाद मीच आहे 

कवेत असतील तुझ्या क्षण कोवळे सुखाचे 

अबोल त्या दुःखाचा आवाज मीच आहे 

श्रावणात हृदयावर आता घन कोसळू लागले 

तुझ्या वाहत्या आसवांचा कर्जदार मीच आहे 

सरिता पाषाणांच्या पाशात गुंतेल केव्हा 

तुझ्या आठवणींचा वाहता झरा मीच आहे 

जाण गेलीस तू, जरी दूर समुद्रापरी

प्रीतकिनारा तुझा अंततः मीच आहे