खरा पुरस्कार
खरा पुरस्कार
1 min
14K
घेई कन्या जन्म वंशा
नसे आनंदाला पार
तिच्या स्वागताचा असे
हाच खरा पुरस्कार ।
करुनिया परीक्षण
नका मानू तिला भार
द्यावा सन्मान अपार
हाच खरा पुरस्कार ।
हुंड्यासाठी जिथेतिथे
गळफास घेई नार
आपुलकी स्त्रीत्वासाठी
हाच खरा पुरस्कार ।
नारी दुर्गा,नारी लक्ष्मी
जीवनाचा अलंकार
करु यथोचित मान
हाच खरा पुरस्कार ।
ममतेने घडवू या
देऊ जीवना आकार
स्वप्ने नेई पूर्णत्वास
हाच खरा पुरस्कार ।
भाग्यवान समजावे
ठाम असावे विचार
मुलीलाही माना शुभ
हाच खरा पुरस्कार ।
जिंके यशाची शिखरे
कीर्ति मिळे भरमार
निनादतो जयघोष
हाच खरा पुरस्कार ।