मलाच का?
मलाच का?
1 min
299
सुखं सारीच हवीत
दुःख नको मानवाला
दिली कापून जंगले
दोष देतो निसर्गाला
पेटे वैशाख वणवा
धरा ही होरपळली
पीडा ही धरणीची
कुणालाच ना कळली
विचारतो निसर्ग हा
दैना घोर मलाच का
देतो सर्वस्व तुम्हाला
तरी अशी उपेक्षा का
एका हाताने द्यावे ते
दान दुसऱ्या न कळे
कष्ट केल्यामुळे बघ
फुलतात शेत-मळे
ठेवा जाण निसर्गाची
वृक्ष देती आशीर्वाद
धन-धान्य येई घरी
मिळे सौख्याचा प्रसाद