देवा अंत नको पाहू

व्याकूळले तुजविना 

देवा अंत नको पाहू

विठ्ठलाचे वारकरी 

भक्ती सागरात वाहू 

मुखी तुझे नाम घेता 

होई सार्थकी जीवन

तूच माऊली जगाची 

रमे ध्यानात हे मन 

मूर्ती ही शांत सावळी 

देई आत्म समाधान 

मिळे सकल भक्तांना 

सदा सौख्य वरदान 

देवा तुझिया चरणी 

माथा आम्ही टेकवितो 

होवो कल्याण सर्वांचे 

हेचि मागणे मागतो 

येतो कंठ हा दाटून 

देवा अंत नको पाहू 

आता घेऊनी दर्शन 

गुण्यागोविंदाने राहू