खेळ नजरेचा
खेळ नजरेचा
खेळ नजरेचा असे असा
कित्येकांच्या बदलल्या दिशा
बऱ्या वाईट अनुभवातूनी
कधी आशा कधी निराशा
निर्मळ दृष्टी सर्वांप्रति ठेवुनी
घात कधी तिथेच होई
सांभाळूनी पाऊल टाकता
गतिमंद हिनऊनी जग दोष देई
संकट टाळू कसे की
कधी संकटच येणार नाही
खबर कधी जगाची घेऊनी
होऊन बेखबर कधी शांत राही
विचारसरणी ह्या जगताची
कसं तुमचं गैर मांडण
थांग लागेना कुणा कशाचा
नित्य चाले झगडे भांडण